Одбојкарите на Штип УГД ја одбранија Куп титулата, откако во преполната сала „25 Мај“ во Радовиш, штипјани со 0-3 (21:25, 24:26, 25-21) во сетови славеа на Струмица. Во големото финале штипјани беа убедливи од аспект на резултатот со што Штип УГД испиша нова историја откако ја одбрани Куп титулата и по вторпат во низа ја носи Куп титулата во градот под Исарот.
Моќно издание на штипјани со 0-3 во сетови и најава дека започнува нивната доминација во одбојката, најава и за серизен атак на освојување на двојната круна во македонската одбојка.
Струмица првиот сет го отвори со 2:0, но веднаш брзо следуваше израмнување на 2:2, а на 4:5 се случи првото водство за Штип УГД, но веднаш струмичани израмнија на 5:5. На сервис беше Мирасчиев кога Штип УГД имаше 5:7, но Струмица намали на 6:7, а потоа Штип УГД дојде до 6:9 на плус три. Струмичани погрешија при сервисот и топката заврши во аут со што штипјани имаа 12:18 во првиот сет.
На 15:1 тренерот на Штип УГД, Кристиан Ристески повика тајм-аут, а веднаш потоа следуваше поен за Струмица за намалување на 16:19, а па веднаш и 17:19.
На 18:19 промена направи Ристески кога во игра влезе Стефан Алексов. Со ас поен екипата на Штип УГД имаше 20:23 и чекореше кон освојување на првиот сет, а штипјани сетот го добија со 21:25 за 0-1 во сетови.
Во третиот сет Струмица тргна со предност од 3:0, по што Штип УГД успеа да се врати на 3:2 и да не дозволи противникот да има посериозна резултатска предност во вториот сет, а веднаш потоа дојде и израмнувањето на 3:3. Со два поени во низа на Алексов штипјани дојдоа до ново изедначување на 5:5, па следуваше и прво водство на Штип УГД од 5:6 со ас сервис. Брзо направи пресврт Струмица на 7:5 со ас сервис на седмиот поен.
Во вториот сет Струмица дојде на плус четири при 11:7, по што Штип УГД побара тајм-аут, а тренерот Кристиан Ристески подели нов совет и насоки. Во продолжението од сетот Штип УГД влезе во серија со која дојде до водство од 13:14, но по сервис грешка на штипјани, одново резултатот беше изедначен на 14:14, сервис гол-аут за ново водство на Штип УГД од 14:15.
Голема беше неизвесноста во вториот сет и двете екипи беа резултатски изедначени и одново имаше изедначување на 17:17. На 17:20 екипата на Струмица повика тајм-аут, бидејќи штипјани веќе одлепија на три разлика за 17:20 и итаа кон освојување и на вториот сет.
Ас сервис на Владо Милев за 24:24 и сетот влезе во една неверојатна пеколна атмосферата во СРЦ „25 Мај“, а сетот штипјани го добија со 24:26.
Третиот сет тргна идентично како и вториот со многу неизвеност и игра со поен по поен и на двете страни, но потоа Струмица направи серија за 6:3. Серија на поен имаше и Штип УГД, па резултат дојде до 8:8 што одново ја врати неизвесноста и страста кај публиката за поддршка и силно навивање за своите екипи, а потоа следуваше и пресврт со ас сервис на Стојанов за 9:10.
Во продолжението од сетот продолжи големата борба на теренот за секој поен, а Штип УГД дојде до водство од 19:20 кога Струмица побара тајм-аут. Сетот штипјани го добија со 25-21.
Најдобар на завршницата кај мажите е техничарот Давид Стојанов, кој го носи дресот на Штип УГД.
Штипјани испишаа историја откако ја одбранија титулата, а градот под Исарот ја доби втората Куп титула во македонската одбојка, со што започнува ерата на штипската доминација во македонската одбојка.
