Реми без голови на Башкими и Новаци со што гостинот извлече многу голем и важен бод во трката за директен опстанок во Втората лига, а во меч од 23. коло на Втората македонска фудбалска лига.
Реми со по еден гол (1:1) на Брегалница и Детонит Плачковица на Градскиот стадион во Штип. Радовишани преку Смилков дојдоа до водство од 0:1, а Брегалница во финишот на првиот дел израмни на 1:1 преку капитенот Калпачки кој стигна до својот осми гол во тековната сезона. Во вториот дел и дете екипи имаа свои шанси и можеа да го решат мечот, но сепак мрежите мируваа, а тоа значеше и поделба на бодовите.
Вардар Неготино забележа важен триумф во трката за директен опстанок откако во Прилеп со голот на Ѓорѓи Шишков триумфираше со минимални 0:1.
Охрид на домашен терен со 2:1 ја совлада екипата на Каменица Саса во меч каде за домашниот тим стрелци беа Наумоски и Љога, а за гостинот погоди Зеќири.
Македонија ЃП со голот на Станковски дојде до победа од 1:0 над Скопје со што „лавовите“ го искористија киксот на Башкими и одлепија на врвот од табелата.
Арсими забележа победа од 3:1 над Осогово, победа која беше очекувана најдобриот стрелец на тимот од Чегране, Аљбин Рамадани постигна два гола, а пак Филип Јованов си постинга автогол, за „жетварите“ од Кочани токму Филип Јованов беше стрелец.
Беласица однесе висока победа над објективниот најслабиот тим во лигата Вардарски од 4:1. Богданоски беше двоен стрелец за струмичани, а пак Јовов и Стојанов постигнаа по еден гол, додека пак за гостинот од Богданци гол даде Трајчов.
Борец дава „знаци на живот“ откако со 2:1 го совлада Кожуф на домашен терен и го искористи поразот на Осогово, па сега одново е во трка и игра за баражот за опстанок. Сашо Дуков постигна гол за 0:1 на стартот од вториот дел, а потоа велешани преку Анчески и Османи направија пресврт за 2:1.
