Наковски Волеј со 3-0 го доби Фит Фан Волеј и обезбеди финале во одбојкарскиот Куп на Македонија во женска конкуренција. Наковски Волеј кој веќе е чекиран во големото финале ќе го чека подобриот од вечерашниот полуфинале дуел кој е „финале пред финалето“ меѓу Работнички Скопје и Јанта Волеј КВ, а кој ќе започне во 19 часот
Фит Фан Волеј одлично го отвори првиот сет кога со предност од 1:4, а потоа Наковсли Волеј дојде до израмнување од 4:4 во поени, а потоа следуваше и водство на струмичкиот тим од 7:5, а на следниот поен за Наковски Волеј за 8:5, екипата на Фит Фан Волеј побара и тајм-аут.
Следуваше нов поен за водство на Наковски Волеј за 9:6, а потоа лесно тимот дојде и до 10:6 со што Наковски Волеј започна да гради посериозна разлика. Со поен за Милева екипата на Наковски Волеј имаше 11:7.
Во продолжението на првиот сет Наковски Волеј дојде и до плус шест при 16:10, а предноста се зголеми и до 17:10, по што Фит Фан Волеј повика нов тајм-аут.
До нови плус седум Наковски Волеј дојде кога резултатот на сефаморот беше 20:13, а потоа со ас сервис и 21:13. Фит Фан Волеј направи нова измена, а со сервис во аут резултатот беше 22:14.
Првиот сет Наковски Волеј го доби со 25:14 за 1-0 во сетови во првиот полуфинален меч против Фит Фан Волеј.
Во вториот сет одбојкарките на Наковски Волеј отворија одлично, но Фит Фан Волеј заигра многу подобро во однос на првиот сет и тоа понуди комплетна неизвесност, па така се играше поен за поен кога резултат на семафорот беше 9:9, играта на Фит Фан Волеј беше поздравена од публиката, но веднаш потоа Наковски Волеј поведе на 11:9. При резултат од 12:9 за Наковски Волеј, противникот повика тајм-аут, а потоа Фит Фан Волеј влезе во серија за 13:11.
При 14:13 екипата на Наковски Волеј повика тајм-аут, а по истиот Фит Фан Волеј до ново изедначување на резултат на 14:14, а тоа ги собра аплаузите на публиката во СРЦ „25 Мај“.
Во повеќе од неизвесна игра на двете екипи Наковски Волеј дојде до 19:16, а веднаш на тоа реагираше Фит Фан Волеј со нов тајм-аут. Наковски Волеј дојде до 22:19, но лесен поен за Фит Фан Волен за 22:20. На сервис беше Мицковска, но сервисот беше во аут, а резултат беше 23:20.
Наковски Волеј сетот го доби со 25:21 за 2-0 во сетови во однос на Фит Фан Волеј во вториот полуфинален меч.
Третиот сет одлично го отвори Наковски Волеј и имаше 7:3, а на 10:6 беше побаран тајм-аут од струмичкиот тим, а по истиот Наковски Волеј имаше 13:8. Во продолжение Настевска со поен за Фит Фан Волеј намали на 17:12.
Наковски Волеј сетот го доби со 25:18 за трумф од 3-0 во сетови над Фит Фан Волеј и со тоа се пласираше во големото финале, каде ќе го чека подобриот вечерва од 19 часот меѓу Работнички Скопје и Јанта Волеј КВ.
Потсетување, како што веќе ексклузивно објави Спортска Мрежа, бесплатен ќе биде влезот за утрешното финале и во машка и во женска конкуренција.
