Утре се играат финалните натпревари од одбојкарскиот Куп на Македонија во машка и женска конкуренција. Како што дознава Спортска Мрежа донесеа е одлука за утрешното финале во женска конкуренција која ќе започне во 16 часот и за финалето во машка конкуренција кое ќе започне во 19 часот да не се наплаќа влез, односно влезот да биде бесплатен.
Завршницата од Купот на Македонија се игра во СРЦ „25 Мај“ во Радовиш, а во големот финале кај мажите се пласираа Штип УГД и Струмица со што ќе гледаме реприза на ланското финале, а пак денес се играат полуфиналните натпревари со што ќе бидат познати екипите кои ќе бидат дел од големото финале кај дамите.
Наковски Волеј и Фит Фан Волеј се првата полуфинална двојка, која игра од 17 часот. Второто полуфинале уште по ждрепката го доби епитетот „финале пред финалето“, а во него од 20 часот ќе се соочат Работнички Скопје и Јанта Волеј КВ.
Победниците ќе го играат финалето кое на програмата е утре од 16 часот.
Сите љубители на одбојката, навивачи, поддржувачи можат да дојдат и да проследат два одлични финални натпревари и уште еднаш, влезот е бесплатен.
