„Пред пополнување на пријавата, Ве замолуваме добро да се погледнат критериумите за учество на УЕФА А курс објавени во детали во документот (линкот) подолу, со што сите заинтересирани кандидати би знаеле дали ги исполнуваат основните услови за учество“, велат од ФФМ.
Ве информираме дека едукативниот центар при ФФМ објавува конкурс за заинтересирани кандидати за упис на УЕФА А курс – Генерација 17.
Конкурсот е направен со 25 лимитирани места кои што се поплнуваат електронски. Доколку се пријават 25 кандидати и истите ги пополнат соодветно полињата (електронски), конкурсот автоматски се затвора бидејќи ќе биде пополнета квотата за кандидати.
Доколку не се пополни квотата, конкурсот ќе биде отворен највеќе 7 дена. За таа цел, секој заинтересиран кандидат е неопходно да го пополни соодветниот онлајн прашалник кој е отворен најдоцна до четврток 10.04.2025 година. По овој датум, прашалникот автоматски станува неактивен и конкурсот завршен, а понатамошната комуникација во врска со курсот ќе продолжи единствено по е-маил и единствено со кандидатите кои уредно го пополниле прашалникот. ФФМ го задржува правото да конкурсот биде затворен и порано од наведениот краен рок.
Кон пополнување на пријавата може да се пристапи на линкот подолу: (имате линк за пријава и код за аплицирање).
За можни нејаснотии или дополнителни прашања пред апликација, можете да се обратите на следниот е-маил: slavisha.karovchevski@ffm.com.mk
