„Пред пополнување на пријавата, Ве молиме внимателно да ги разгледате критериумите за учество на УЕФА Ц курс, кои се објавени во деталите на документот подолу, за да бидете сигурни дека ги исполнувате основните услови за учество“, велат од ФФМ.
Едукативниот центар при ФФМ објави конкурс за заинтересирани кандидати за упис на УЕФА Ц курс – Генерација 10.
Конкурсот е ограничен на 30 места, кои се пополнуваат електронски. Ако се пријават 30 кандидати и ги пополнат соодветно полињата (електронски), конкурсот автоматски ќе се затвори, бидејќи квотата за кандидати ќе биде пополнета.
Ако квотата не се пополни, конкурсот ќе биде отворен најмногу 7 дена. Со цел да учествувате, секој заинтересиран кандидат е должен да го пополни соодветниот онлајн прашалник, кој ќе биде достапен до четврток, 10.04.2025 година. По овој датум, прашалникот автоматски ќе стане неактивен и конкурсот ќе биде завршен. Понатамошната комуникација во врска со курсот ќе продолжи само со кандидатите кои редовно го пополниле прашалникот. ФФМ го задржува правото конкурсот да биде затворен порано од наведениот краен рок.
Ненавремено или неуредно пополнување на прашалникот ќе значи дека нема да можете да учествувате на претстојниот УЕФА Ц курс.
Кон пополнување на пријавата може да се пристапи преку линкот подолу: (имате линк за пријава и код за аплицирање).
За можни нејаснотии и дополнителни прашања при апликација, можете да се обратите на следниот е-маил: slavisha.karovchevski@ffm.com.mk
