Радовиш со пораз го започна плеј-аутот откако во првото коло загуби од Куманово во гости преку пресврт со 24:19, со што бодовите останаа во Куманово, а радовишани предводени од Игор Котевски ќе имаат неизвесна пролет за опстанок.
Во првиот дел од мечот се водеше егал борба и неизведна борба на теренот, со гол за гол, но радовишани имаа 10:12 на полувреме.
Куманово отвори одлично во вториот дел голманот Христијан Михајловски ја спушти ролетната во клучни моменти, а радовишани не можеа да ја стресат истата. Домашниот тим кој имаше серија од 8-0 дојде до предност од 18:12, а „заспадниот“ Радовиш не успеа да се врати, откако дојде само до 18:14.
Во финишот од мечот искусниот голман Славјан Паунов со клучни одбрани му даде шанса на Радовиш да се врати во резултатска игра, но сепак домашниот тим не дозволи изненадување и го реши мечот.
Давид Димевски со 14 погодоци беше најдобар кај Кунаново, кај радовишани најпреизен беше Ивица Илиев со пет гола. Радовиш мора да победува и мора да собира бодови, бидејќи е единствениот тимот кој не пренесе бодови, започна со пораз, а се склопуваше тим за опстанок. Пред радовишани ќе биде сериозен тест за тоа дали тимот е спремен за опстанок и дали ќе треба да се прави некој „ремонт“ додека има време, доколку „возот замине“ тогаш џабе ќе биде и „ремонтот“, па успехот од минатата сезона и експресното враќање ќе биде заменето со експресно испаѓање во Прва лига, а Радовиш тоа не го заслужува.
Во слендото коло Радовиш ќе гостува кај Борец Ф.Л. во Велес, додека пак Куманово ќе оди кај Струга.
