Во натпревар од првото коло од плеј-оф фазата од ракометната Суперлига, Охрид славеше над Бутел на гостински терен со резултат 20:22. Иако на полувреме, охриѓани имаа позитива од 8 гола- 19:11, сепак незгодиниот Бутел се врати во игра во последните минути од натпреварот, но тоа не беше доволно за бод или целосен пресврт, па така избраниците на Стевче Алушовски стигнаа до бодовите.
Домаќинот поведе со 1:2, но потоа охриѓани погодија неколку пати за 2:5. Понатаму, ракометарите на Охрид го диктираа темпото, играа подобро и ја стигнаа најголемата предност во прво полувреме- 7:13. До крајот на првиот дел, Бутел погоди уште еднаш, па така резултатот на полувреме гласеше 8:13 во полза на гостите од Охрид.
На почетокот на второто полувреме, охриѓани стигнаа и до седум разлика, меѓутоа избранците на Кузманоски се разбудија и ја преполовија негативата со серија од 4:0. Заиграа подобра одбрана, подобар напад и делуваа посигурно, па така до крајот на натпреварот се доближија и до само гол негатива и беа во игра за бод, но сепак Охрид ја преживеа ,,драмата’’ и славеше со 20:22.
Најдобри во таборот на охриѓани беа Цирар со седум гола, како и Ловро Јотиќ со шест. Кај екипата на Бутел, пак, со по четири гола се издвоија Ѓеоргиевски и Милошески.
