Денес во просториите на Фудбалската федерација на Македонија се одржа ждрепката за полуфиналето од Купот на Македонија. Во ждребот учествуваа Вардар, Струга Трим Лум, Брера Струмица и Шкендија.
Полуфиналните дуели ќе се играат по системот дома-гости, а првите натпревари се закажани за 9 април (среда). Според исходот од ждрепката, во полуфиналето ќе се соочат Вардар против најлесниот противник Брера, додека Шкендија ќе се сретне со Струга Трим Лум во едно возбудливо дерби.
Реваншите се залажани за 23 април (среда).
Што се однесува до историјата на овие тимови во Купот на Македонија, само Струга Трим Лум сѐ уште нема освоено титула, иако во 2023 година стигна до финалето, каде што беше поразена од Македонија ЃП. Македонија ЃП, позната како „лавовите“, има три Куп титули, Вардар досега го освојувал трофејот пет пати, додека Шкендија се радуваше на победата во 2016 и 2018 година. Брера, која во минатото настапуваше под името Академија Пандев, го освои Купот во 2019 година.
