Фудбалскиот клуб Нови Таленти од Струмица во период од 28 март од 31 март беше во Германија, каде на покана на големиот фудбалски гигант Борусија Дортмунд, младите фудбалери имаат можност за тренирање и одигрување на пријателски натпревари со германскиот клуб.
Ова беше уникатна можност за фудбалерите на струмичкиот клуб да тренираат и одиграат пријателски натпревари против клуб каков што е Борусија Дортмунд, кој важи за еден од клубовите кои ја има најдобрата школа.
Фудбалерите исто така имаа можност и да го проследат натпреварот меѓу Борусија Дортмунд и Мајнц што претставува уште едно големо искуство за младите фудбалери, а исто така им се укажа можност и да го посетат и стадионот на германскиот гигант и истиот да го разгледат.
Ова е потврда дека ФК Нови Таленти гради сериозни контакти со големи фудбалски имиња во Европа, потврда за нивната правилна и успешна работа, а талентите работат лиценцираните тренери Оливер Христов и Томе Христов.
Сепак, на меѓународен план и натаму ќе биде активен ФК Нови Таленти, во период од 7 до 12 јуни струмичани ќе учествуваат на голем турнир во Франкфурт, Германија.
ФК Нови Таленти продолжува да биде посветен кон младите фудбалски таленти и кон тоа да направат од нив вистински фудбалски ѕвезди кои би го трасирале патот кон фудбалска Европа.
