Дерби во Штип од 17. коло на Втората футсал лига заврши со триумф за Овче Поле кој со 2:4 славеше над лидерот Мал Ајакс преку пресврт.
Штипјани на полувреме имаа два погодоци предност (2:0), но и тоа не беше доволно. Седат Мамудов и Иса Дурмишов беа стрелци во првиот дел за штипскиот клуб. Во второто полувреме во само три минути беа потребни за Овче Поле да направи пресврт и да дојде до предност од 2:3. Во 25. минута Ѓорѓи Султанов постигал за 2:1, а потоа со два брзи гола во две минути на Дамјан Благоевски тимот од Свети Николе имаше предност од 2:3.
Во финишот од мечот печат на победата стави Давид Бојковски кој во 38. минута беше прецизен за конечни 2:4 со што трите бодови заминуваат на контото на ланскиот прволигаш од Свети Николе.
Лидер и натаму останува Мал Ајакс со 39 бодови на своето конто, Овче Поле и Балкан имаат по 37 бодови и го делат второто место, па битката ќе се сведе на овие три екипи да ја продолжат борбата за првите две места кои водат кон Првата лига.
