Втората футсал лига на Македонија ќе продолжи со една екипа помалку, откако Енхалон од Струга се откажа од понатамошно натпреварување.
Стружани во саботата требаше да го одиграат натпреварот против битолски Конзули кој беше закажан за одигрување во Ресен, но клубот испратил известување дека нема да продолжи со натпреварувања.
Имаме откажување и на третолигаши како што е случајот со ФК Светлост од Кукуречани, екипа која не го започна пролетниот дел во Трета лига – Југозапад, а се откажа и екипата на РК Кичево, поради финансиски проблеми, а која се натпреваруваше во Првата ракометна лига.
Екипите кои се натпреваруваат во пониските лиги имаат финансиски проблеми и одвај опстојуваат.
