Женскиот фудбалски клуб Башкими од Куманово оддаде почит кон 59-те жртви од страотниот пожар кој се случи во дискотеката „Пулс“ во Кочани.
По одигрувањето на натпреварот против ЖФК Кочани во рамките на 15. коло од Кадетската женска фудбалска лига во Горни Подлог, кочанско, фудбалерките на Башкими положија цвеќе во сеќавање на трагично загинатите.
Голем гест за оддавање на почит кон трагично загинатите од страна на ЖФК Башкими, стручниот штаб и претседателот Арменд Дестани. Емотивен гест со кој се искажува важноста на заедничката солидарност во тешките моменти за цела нација, кога Македонија тагува по своите загубени чеда.
Што се однесува до самиот натпревар екипата на Кочани беше подобра со 4:1, а за домашниот тим двоен стрелец беше Јана Јорданова, а по еден гол постигнаа Стефанија Нацева и Илина Јаневска, додека пак за гостинот голот го постигна Абијона Абази.
