Во рамки на 17. коло на Трета лига – Север екипата на Њу Старс забележа голема победа од 6:0 над Ринаи во трката за опстанок во Трета лига – Север.
Победата беше најавена уште во првиот дел кога резултатот беше 3:0 на полувреме, откако Мартин Ацески и Валентин Блажевски погодија во 13. минута односно 19. за водство од 2:0, а во 31. минута Мартин Киш погоди за 3:0 на полувреме.
Во вториот дел Никола Силјановски беше двоен стрелец, а еден гол постигна Влатко Стојановски за конечните 6:0.
Новајлијата Ржаничино имаше важна домашна победа од 2:0 против Беса од Слупчане, откако Халил Калач погоди во 6. минута за 1:0 на полувреме, а во вториот дел Иван Мицевски постигна гол за конечни 2:0 во 75. минута.
Академија Илинден го доби натпреварот со Фортуна во меч каде беа постигнати девет гола за конечните 5:4, а победата за домашниот тим добива на тежина бидејќи истата беше извојувана преку пресврт, откако домаќинот на полувреме имаше негатива од 1:3.
Фисник Санини и Мурхат Емини погодија за 0:2, а веднаш потоа Хасан Арифи намали на 1:2 со гол од белата точка. Во 44. минута Алтин Сефо постигна гол за 1:3 по првите 45 минути.
Во второто полувреме Николе Ефремов постигна гол за 2:3, а потоа Стојанче Камчев погоди за 3:3 и со тоа се врати неизвесноста на самиот меч околу трите бодови. Не требаше многу во 68. минута Ефремов со втор гол обезбеди предност за Академија Илинден од 4:3, а пак Хасан со втор гол во 83. минута обезбеди предност од 5:4.
Во 84. минута од натпреварот кој се играше во Кадино, Мифтар Аљими постигна гол за конечните 5:4.
Аеродром забележа уште една голема победа, откако со 4:1 триумфираше убедливо над некогашниот прволигаш Еуромилк ГЛ. Гостинот преку Ферди Исмаиловски дојде до предност од 0:1 во 24. минута, а четири минути подоцна Дамјан Антевски погоди за 1:1 со нов еврогол. До крајот на првиот дел Аеродром имаше 3:1 со погодоците на Марио Томовски и Сретан Каланоски.
Во второто полувреме Томовски со втор гол ги постави конечните 4:1.
БВК Коњаре однесе победа над некогашниот второлигаш Кадино со резултат од 3:2. Фати Јусуфи, Далибор Костовски и најдобриот стрелец Орхан Мифтар беа стрелци за домашниот тим, а пак за гостинот погодија Кристијан Ивановски и Дамјан Крстевски.
Фаворитот и лидер Шкендија Арачиново без проблеми го декласираше тимот на Пчиња со високи 6:0. Новото засилување Фикрет Љиварека постигна два гола, два гола постигна и искусниот Дарио Десниќ, а еден гол постигна и охриѓанецот Алекснадар Ѓорѓиески. Александар Божинов и постигна автогол.
Шкендија Арачиново излезе на терен со црни маички во знак на почин кон трагично загинатите од големата трагедија во Кочани, а парите собрани за време на натпреварот ќе бидат донирани за настраданите од големата трагедија во Кочани.
Куманово со двата гола на Андреј Јовановски триумфираше над Башкими Љуботен со резултат од 2:0.
Во однос на табелата Шкендија Арачиново е лидер со 49 бодови, втора е Фортуна со 33 бодови, а пак на третото место е Аеродром со 31 бод.
