Денес се комплетираше првото коло од Трета лига – Запад, кое беше отворено вчера, а на стартот од новата сезона новите третолигаши тргнаа победнички.
Љуботен со минимални 0:1 беше поразен од новиот третолигаш Вардар 2022 од Брвеница, со голот на Ненад Богданоски постигнат во 79. минута од натпреварот.
Велазерими од Слатино со убедливи 4:1 го декласираше Зајази на стартот од сезоната. Двоен стрелец беше Бајрами Мемеди, а по еден гол постигна Ери Абдулахи и Фљамур Мемиши.
За гостинскиот тим во 80. минута единствен стрелец беше Агон Хашими.
Камјани со голем пораз ја започна сезоната откако на домашен терен загуби со 1:3 од екипата на Дрита. За домашниот тим единствен стрелец беше Шкљзен Османи кој погоди во 35. минута од мечот, а пак за гостинскиот тим Брендим Рушити беше двоен стрелец погоди во 42. минута за 1:1, и во 73. минута за пресврт. Хузри Џемаили во 80. минута ги постави конечните 1:3.
Како што вчера информираше Спортска Мрежа некогашниот прволигаш Ренова тргна со реми против Доброшти 3:3, Речица беше декласирана од Џепчишти со 0:4, а пак Влазерими одигра реми 1:1 против ланскиот второлигаш Тетекс.
