Со три натпревари беше отворено првото коло во Третата македонска фудбалска лига – Запад, а на стартот од истата вицешампионот Џепчишти се „распука“ и забележа победа од 0:4 откако триумфираше над Речица.
По два погодоци постигнаа Арлинд Алији и Ментар Саљиу за голема победа над Џепчишти.
Ланскиот второлигаш Тетекс ремизираше против ланскиот шампион Влазерими кој не го помина баражот за Втора лига, откако двете екипи одиграа 1:1.
„Штофарите“ од Тетово први стигнаа до водство со голот на Мертион Салији во 27. минута од мечот, а во вториотдел Ален Думоски во 73. минута погоди за конечни 1:1.
Некогашниот прволигаш Ренова одигра реми 3:3 против Доброште на стартот од новата сезона. Практично оваа беше дуел на две екипи кои лани настапуваа во ОФЛ Тетово.
„Гипсарите“ испуштија три гола предност откако на полувреме имаа 3:0 со погодоците на Генц Јакупи, Ријад Османи и Ермаил Саити. Во вториот дел Изаир Фетаи си постигна автогол, а потоа Харис Сулимани намали на 3:2. Во финишот на мечот Бетим Етеми погоди за 3:3.
Денес на програмата се останатите три натпревари. Љуботен ќе се соочи со Вардар 2022 од Брвеница, Камјани против Дрита, а пак Велазерими од Слатино против Зајази.
