Екипата на Охрид загуби на гостувањето во Автокоманда, со резултат 29:26, во рамки на последното коло од регуларниот дел од Суперлигата. Натпреварот започна со една минута молк поради трагедијата во Кочани.
Охриѓани имаа лош почеток, па домаќинот поведе со 3:0, меѓутоа набрзо Охрид се разбуди и се врати во мечот, па дури и поведе со 4:5. Орјоникидзе беше најзаслужен за пресвртот, а и најрасположен за игра кај гостите, па на полувреме заминаа со негатива од пет голови (17:12).
Во второто полувреме и Алкалоид имаше мала криза, па така гостите повторно се вратија во игра и изедначија на 18:18, со добра серија за десетина минути. Но, потоа се повреди Орјоникидзе, па потоа домаќинот повторно го презеде водството и на крај победи со конечен резултат од 29:26.
Мартин Серафимов со осум и Мартин Ивановски со шест реализации беа најдобри кај Алкалоид, а пак Теимурас Орјоникидѕе беше најдобар со девет гола кај Охрид.
