Вчера, на Градскиот стадион во Виница, се одигра хуманитерен натпревар во чест на жртвите од трагичниот пожар во Кочани, во кој животите ги загубија 59 лица. Мечот беше меѓу третолигашот Слога и прволигашот Гостивар, а целиот приход од донациите, во износ од 34.110 денари, ќе биде наменет за семејствата на загинатите девојчиња од Виница.
Натпреварот покажа голема хуманост и од страна на газдата на Гостивар, кој донираше еден милион денари за помош на настраданите. Во текот на натпреварот, судијата Александар Ананиев, кој е од Кочани, во 59. минута го прекина мечот за да се оддаде почит на 59-те жртви.
Овој хуманитарен гест потврдува дека спортската заедница во Македонија ја покажува својата солидарност, обединувајќи се во најтешките моменти за земјата.
