Шампионот Љуботен изби на врвот во Првата женска фудбалска лига, откако го доби мега дербито со Тиверија Брера со резултат од 2:1 и тоа преку пресврт во меч од 24. коло.
Натпреварите започнаа со минута молк за да се оддаде почит кон загинатите и настраданите од големата трагедија во Кочани.
Струмичкиот тим беше на врвот од табелата, но после денешниот пораз се спушта на второто место на табелата. Теона Галабовска по седум минута игра погоди за водство на Тиверија Брера од 0:1, резултат со кој се замина на полувреме.
Во вториот дел новото засилување, интернационалката од Америка, Мариса Николе Васкез, со два гола во 55. минута и 71. минута го сврте резултат на конечни 2:1 за голема победа на шампионот со која избива на врвот од табелата.
Главниот судија Фатмир Бафто подели и два црвени картони во финишот на мечот. Во 93. минута Драгољуб Јовановски, кој е претставник на домашната екипа доби црвен картон поради неспортско однесување, влегување во терен, а пак црвен картон доби Панче Стојанов од стручниот штаб на Тиверија Брера, поради неспортско однесување, удирање во боксот за резервни играчи во 92. минута.
Градското дерби во Битола меѓу Топ Гол и Атлетико заврши без победник, но и без голови (0:0) со што двете екипи ги поделија бодовите.
Скопје однесе висока и убедлива победа против Речица на гостински терен со резултат од 1:4. Само три минута беа потребни за Сара Коларовска да постигна гол со кој го отвори резултат за водство на гостинот, а веќе во 9. минута Кристина Крстева постигна гол за 0:2.
Во 13. минута од мечот Емили Митковска погоди за 1:2. Не требаше многу искусната Рабија Дервиши постигна гол за 1:3 на полувреме.
Во вториот дел Јасмина Јовановска си постигна автогол со што конечниот исход беше убедлива победа за Скопје од 1:4.
Истатов на домашен терен забележа победа од 2:1 против струшки Ас Јунајтед. Само шест минути беа потребни за тимот на Кирил Изов за обезбеди предност од 1:0 со голот на Кристина Петрушевска, а во финишот на првиот дел Марта Илиеска постигна гол за 1:1.
Во второто полувреме во 62. минута Андреа Коловска беше прецизна за 2:1, а воедно тоа беше и конечниот резултат.
Во рамки на оваа коло слободна беше екипата на Каменица Саса.
Во однос на табелата Љуботен е прв со 40 бодови, Тиверија Брера е втора со 38 бодови, Каменица Саса со меч помалку е на третото место со 34 бодови.
- ЦЕЛА ТАБЕЛА ОД ПРВАТА ЖЕНСКА ФУДБАЛСКА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК ЉУБОТЕН | 15 | 13 | 1 | 1 | 64 | 10 | +54 | 40 |
| 2 | ЖФК ТИВЕРИЈА БРЕРА АД | 15 | 12 | 2 | 1 | 70 | 8 | +62 | 38 |
| 3 | ЖФК КАМЕНИЦА САСА | 14 | 11 | 1 | 2 | 46 | 10 | +36 | 34 |
| 4 | ЖФК СКОПЈЕ 2014 | 13 | 8 | 0 | 5 | 27 | 17 | +10 | 24 |
| 5 | ЖФК СЦ ИСТАТОВ 2015 Скопје | 15 | 6 | 2 | 7 | 21 | 40 | -19 | 20 |
| 6 | ФК АТЛЕТИКО/ЖФК | 15 | 3 | 3 | 9 | 13 | 31 | -18 | 12 |
| 7 | ФК ТОП ГОЛ/ЖФК | 15 | 3 | 3 | 9 | 13 | 36 | -23 | 12 |
| 8 | ФК АСС УНИТЕД/ЖФК | 15 | 2 | 0 | 13 | 22 | 46 | -24 | 6 |
| 9 | ЖФК РЕЧИЦА | 15 | 2 | 0 | 13 | 12 | 90 | -78 | 6 |
| 10 | ЖФК ШКЕНДИЈА Тетово(-3) | 0 | 0 | 0 | 0 | 0 | 0 | 0 | -3 |
