Репрезентацијата на Македонија до 17 години забележа минимален триумф на селекцијата на Лихтенштајн во натпревар од 2. коло на квалификацискиот турнир (Лига Б) за пласман во А лигата квалификации за Европското првенство.
Избраниците на селекторот Димитар Капинковски денеска остварија многу значајна победа во борбата за висок пласман во групата 1. Сосема заслужено се радувавме на трите бода, со оглед на прикажаната игра во текот на целиот натпревар. Хоџа беше стрелец во 30. минута на единствениот погодок на денешната средба.
Нашите млади фудбалери во досегашните две кола имаат освоено четири бода. Во последното трето коло, силите ќе ги одмериме со селекцијата на Романија.
