Беласица на пријателски натпревар со 1:3 славеше над Вардарски, меч кој се одигра денес, а кој доаѓа за време на паузата поради настап на аматерската репрезентација на Македонија на турнир во Србија.
За Беласица двоен стрелец беше Милушев, а пак еден гол постигна Јовов.
Ланскиот прволигаш Македонија ЃП одигра пријателски меч со Борец, кој го доби со убедливи 5:1.
Ако се погледнат статистиките Борец во новата сезона во Втора лига се’ уште нема дадено гол, но еве постигна гол, ако не, барем на пријателски натпревар.
Марио Станковски и Крсте Велкоски беа двојни стрелци за „лавовите“, а пак Анастасијески беше стрелец на последниот гол за „лавовите“. За екипата на Борец единствен стрелец беше Флорент Османи.
Долгата пауза второлигашите ја искористија да одиграат пријателски натпревари, а со цел одржување на формата пред продолжението на натпреварите од Втората лига. Дополнително сега пред второлигашите е тежок и густ распоред бидејќи во 15 дена треба да одиграат пет натпревари.
