Футсал репрезентацијата на Македонија вечерва загуби со 0:3 на домашен терен од селекцијата на Холандија, во рамки на 5. коло од групата 7 од квалификациите за пласман на Европското првенство.
„Лалињата“ во спортска сала „Јане Сандански”, забележа убедлива победа против Македонија која одигра добро прво и лошо второ полувреме, а за тоа говори фактот што противникот сите погодоци ги постигна во вториот дел од мечот во Скопје.
Избраниците на селекторот Васко Скендеровски одиграа добро во првиот дел, создадоа неколку солидни прилики за постигнување на погодок, но без реализација.
Резуптатот во „Јане Сандански“ го отвори Кемпс во 24. минута, а веднаш потоа Мартинус зголеми на 2:0, кој во 35. минута погоди за 0:3.
Македонија е на дното од табелата со само еден бод, Андора е трета со три бодови, Холандија е втора со осум бодови, а лидер во нашата групата Португалија со максимални 15 бодови.
