Осогово конечно се израдува на пролетен триумф откако во Радовиш со минимални 0:1 го доби Детонит Плачковица со голот на Владимир Жоглев.
Оваа е само трет сезонски триумф за Осогово и прв под водството на Крсте Крстев кој го превзема клубот за време на зимската пауза, а пред кого е тешка борба за опстанок. Овој триумф е многу важен за тимот на Крстев.
„Жетварите“ остануваат и натаму на 14. место или во бараж зоната со тоа што сега имаат 13 бодови или седум помалку од 13. место каде што е Вардар Неготино, кој има 20 бодови, како и Новаци кој е на 12. место исто така со 20 бодови.
Во следното коло Осогово на домашен терен ќе се соочи со Брегалница од Штип, во меч каде трите бодови ќе бидат единствена цел и на едните и на другите.
