Вчера се комплетираше 13. коло од Првата футсал лига со два натпревари.
Клими на домашен терен со 9:3 славеше против Шкупи, во меч на тотална доминација на домашниот тим. Петар Левков постигна четири гола за домашниот тим, а Димче Андов беше стрелец на два гола, а по еден гол постигнаа Мартин Никовиќ, Александар Михајлов и Филип Грујоски.
За гостинскиот тим двоен стрелец беше Љавдрим Фајзули, а еден гол постигна Сали Салиевски.
Проект како домаќин играше во Велес и тоа против Кеги Моби, па на овој меч Проект беше формален домаќин, а Кеги Моби формален гостин, а резултатот беше 2:4 за Кеги Моби.
Кристијан Гавровски постигна два гола за Проект, а за велешкиот тим погодија Мохамед Ахмедов, Иван Николовски, Филип Драскачев и Ангел Гаштев.
Извештаите од претходните натпревари ги имате на Спортска Мрежа во категорија футсал.
