Екипата на СЕЕ Университи во Големо Речица, тетовско со 8:1 го декласираше струшки Енхалон, во рамки на 14. коло.
Во воведниот меч на оваа рунда победникот беше решен во првиот дел кога резултатот беше 6:1, а во вториот дел домаќинот само го потвди големиот триумф.
Зеќирија Османи и Гезим Азизи беа двојни стрелец, а по еден гол постигнаа Едис Муртезани, Самир Рамадани, Ермал Љиворека и Агон Хашими, а пак за гостинот единствен стрелец беше Тони Прќакоски.
Балкан забележа победа против ССК Скопје во меч каде беа постигна два автоголови од ист играч во една минута. Конечниот исход беше 8:6, а на полувреме резултатот беше 3:3.
Ибрахим Алији постигна три гола за домаќинот, двоен стрелец беше Џељал Мјаку, а еден гол постигна Кадир Амза, а пак Спасе Здравевски си постигна два автогола во 4. и 5. минута.
Токму Здравевски беше стрелец и за неговата екипа односно ССК Скопје, двојни стрелци за гостинот беа Антонио Крстевски и Несим Сулејмани, а еден гол постигна и Реџеп Бислим.
Ланскиот прволигаш Карадаку забележа втора сезонска победа откако на домашен терен со 6:4 ја „тресна“ прилепска Победа, која претрпе десетти сезонски пораз.
Ељмедин Шерифи и Омер Саќипи постигнаа по два гола за домашниот тим, а по еден гол постигнаа Салим Реџепи и Шабани Валмир, а пак за тимот од Прилеп два гола постигна Никола Трајкоски, а по еден гол Благојче Здравевски и Андреј Јолески кој стрелаше во првиот дел од мечот кој се играше во Липково.
Кратово доживеа нов голем пораз откако како домаќин во спортската сала „Софија Петровска“ во Пробиштип со 0:5 загуби од лидерот Мал Ајакс од Штип.
Домашниот тим парираше само едно полувреме, кога резултатот беше 0:1 во првиот дел со голот на Марјан Зашков. Во вториот дел токму Зашков со втор гол зголеми на 0:2, а потоа стрелаше и Седат Мамудов за 0:3. Во 27. и 30. минута Иса Дурмишов постигна два гол за конечни 0:5.
Денес Партизан Југ во Брвеница го чека тимот на Кораби од Дебар, а колото се затвара утре во Свети Николе со мечот меѓу Овче Поле и Конзули од Битола.
