Утре во рамки на 2. коло од ракометната Суперлига Охрид на домашен терен ќе ги одмери силите со Бутел Скопје, во меч каде „гладијаторите“ ќе важат за фаворити за нов триумф и нови три бодови.
Пред утрешниот меч против скопскиот тим, ракометарот на Охрид, Горан Крстевски вели дека Бутел воопшто не е екипа за потценување, но додава дека со добра игра очекува неговиот тим да стигне до нови бодови.
„Во сабота го играме првиот натпревар за оваа сезона на домашен терен. На гости ни доаѓа екипата на Бутел која воопшто не е за потценување. Треба максимално да се влезе во мечот и со добра игра да стигнеме до нови бодови“, рече Крстевски.
Натпреварот меѓу Охрид и Бутел Скопје се игра во салата „Билјанини Извори“ во Охрид со почеток од 20 часот.
