В недела во рамки на 5. коло од Првата македонска фудбалска лига, екипата на Беса ќе гостува во Струмица кај Брера. Репрезентативната пауза беше добредојдена за неколку екипи, меѓу кои и на Брера, која направи тренерска промена, но и донесе неколку засилувања.
Горазд Михаилов седна на тренерското столе на Брера, откако Бојан Круљ си замина.
Шефот на стручниот штаб на Беса од Добри Дол вели дека Брера има квалитетен тим и дека моменталната позиција на табелата на Брера не го покажува нивниот вистински квалитет, но додава дека тоа што примија осум погодоцие е нивната најтемна страна.
„Нашиот следен противник, тимот на Брера, е многу квалитетен тим кој има добри играчи, особено брзи и вешти напаѓачи. Мислам дека нивната моментална позиција на табелата не го покажува нивниот вистински квалитет. Во последните три натпревари примија 8 гола и можеби ова е нивната најтемна страна. По паузата имаат две нови засилувања во одбраната и нов тренер. Затоа не може да се каже дека следните натпревари ќе бидат како оние од првите 4 недели“, вели шефот на стручниот штаб на Беса, Александар Таневски.
Предводникот на дебитантот во елитата на Македонија вели дека одат на победа во Струмица.
„Атмосферата во нашиот тим е на високо ниво. Во следните 15 дена не очекуваат 5 натпревари. Моите момци се свесни дека можеме да постигнеме уште повеќе од досега. Респект за сите наши противници, но на секој натпревар ќе одиме на победа“, надополнува Таневски.
Главен судија на мечот кој ќе се одигра на стадионот „Благој Истатов“ во Струмица со почеток од 15 часот ќе биде Александар Василевски од Скопје.
