Вардар и Силекс вчера го одиграа својот натпревар од четвртфиналето на Купот на Македонија на арената „Тодор Проески “, но главниот стадион во земјава наскоро повторно ќе биде недостапен за натпревари.
Последниот меч што ќе се одигра на арената пред затворањето е дуелот меѓу Вардар и Беса во сабота. Веќе од недела, тревникот ќе биде подложен на реновирање со цел да биде во најдобра можна состојба за квалификацискиот натпревар меѓу Македонија и Велс на 25 март.
Ова значи дека екипите кои своите домашни натпревари ги играат на арената, пред сè Вардар и Работнички, ќе мора да бараат алтернативни решенија за своите следни мечеви.
Загрижува фактот што, и покрај неодамнешната промена на тревникот, арената и натаму се затвора еден месец пред секој настап на националниот тим, што претставува проблем за домашните клубови и континуитетот на натпреварите.
Виолета Јанчева за Спортска Мрежа
