Денес се играат натпреварите од четвртфинале на Купот на Македонија, во кое учествуваат шест прволигаши со амбиции за освојување на Купот, како и два второлигаши кои се првпат ќе играат четвртфинале.
Детонит Плачковица е тим кој за првпат игра во четвртфинале од Купот на Македонија, откако во осминафиналето го елиминираше прволигашот Пелистер во Битола преку пенали и со тоа радовишани обезбедија историско четвртфинале.
Арсими, пак, го елимираше охридскиот прволигаш Воска Спорт и со тоа се најде во четвртфиналето, за тимот од Чегране историско.
Денес во Радовиш гостува прволигашот Шкендија од Тетово, тим кој ќе атакува на освојување на двојната титула, поранешниот шампион е лидер во Првата македонска фудбалска лига и во Радовиш доаѓа како голем фаворит.
Арсими ќе има гостување во Струмица кај прволигашот Брера Струмица, каде сигурно е дека засилениот Арсими кој атакува на местата за влез во Прва лига, ќе биде незгоден протовник за струмичани.
Прволигашки дерби натпревари ќе има меѓу Струга Тим Лум и Гостивар, каде стружани ќе сакат да вратат за поразот во првенството, а пак Вардар ќе се соочи со Силекс, каде двете екипи ја посакуваат Куп титулата која им носи „виза“ за Европа.
Ова ќе има нов освојувач во Купот на Македонија, минатата сезона Тиквеш испиша историја освојувајќи го Купот и со тоа обезбеди историски излез во Европа, но не успеа да го одбрани, откако во осминафиналето беше запрен од Вардар.
Натпреварите ќе стартуваат во 14 часот.
