Одиграно 6. коло од плеј-офот на женската ракометна Суперлига, каде Металург Автокоманда однесе убедлива победа од 35:18 против штипски Астибо.
Фаворитската улога беше на страната на тимот од Автокоманда, кој воопшто не се намачи за да го добие тимот од Штип. Ракометарките на Јулијана Дамчевска уште од самиот старт тргнаа одлично и најавија висока победа.
Стефани Ристиќ со пет гола беше најдобра кај Металург Автокоманда, кај Астибо стандардно тоа беше Марија Анчева со девет гола.
Куманово забележа победа од 26:22 против Вардар и со тоа врза втора победа во низа после таа над Астибо во претходното коло.
Најдобра кај Куманово беше Сузана Зечевиќ со девет гола, а кај Вардар тоа беше Леона Миленковска исто така со девет реализации.
Шампионот Ѓорче Петров со 30:32 славеше против екипата на Чаир на тешкото гостување каде „лавиците“ забележаа уште една победа на патот кон одбрана на титулата.
Неизвесен и атрактивен меч каде сепак дата бодови заминаа на контото на Ѓорче Петров, па со тоа продолжува доминацијата на избраничките на Симе Симовски.
Најдобра кај Ѓорче Петров беше Ивана Дежиќ со постигнати 17 гола, а кај Чаир тоа беше Гулициоска со 12 гола.
Ѓорче Петров е прв со максимален ефект од 13 бодови, втор е Чаир со девет бодови, а толку има и Металург Автокоманда кој е трет. Куманово сега е четврти со пет бодови, Вардар е петти со три бода, а на дното е Астибо без бодови.
