Викендот ќе започне новата сезона во Втората женска фудбалска лига во која учество ќе земат осум екипи, од кои една е дебитант.
Од минатата сезона остануваат екипите на Кочани, Билјанини Извори од Охрид, Вардар, радовишка Плачковица, Победа Валандово, Борец, Порече од Македонска Брод и дебитантот Слободен.
Во рамки на првото коло дебитантот Слободен ќе се соочи со Порече, Победа Валандово дома ќе игра со Борец, Вардар кој лани не го помина баражот за Прва лига ќе игра со Плачковица, а пак фаворитот за првото место оваа сезона екипата на Кочани ќе гостува во Охрид кај Билјанини Извори.
Како и во минатата сезона шампионот обезбедува директно место во Прва лига, а пак второпласираната екипа ќе игра бараж за влез во Прва лига против екипата која ќе заврши на деветтото место во фудбалската елита на Македонија.
Минатата сезона шампион во Втората лига беше Атлетико од Битола, кој без пораз се врати во Првата лига, а пак Вардар како втор играше бараж и загуби од прволигашот Топ Гол, кој го избори опстанокот во фудбалската елита на Македонија во женска конкуренција.
