Овој викенд започна пролетната полусезона со натпреварите од 11. коло во Првата футсал лига на Македонија.
Првата пролетна рунда донесе убедлива победа за Јувентус Серава од 10:4 против Железарец. Шест погодоци постигна Армандо Алијевиќ, а пак по еден гол постигнаа Ведат Бајрами, Амет Бајрами, Керим Мамуд и Енез Јусуфи, додека пак за гостинскиот тим двоен стрелец беше Беским Мустафи, а по еден гол постигнаа Дарко Насевски и Екрем Мемеди.
Шампионот Форца со 5:2 триумфираше против Осогово од Крива Паланка и победнички го отвори вториот дел од сезоната. Артан Јунизи постига гол за 1:0 на полувреме. Во вториот дел Осогово парираше, а потоа домаќинот постигна погодоци за триумф.
Драган Петровиќ, Зоран Левески, Таулант Исмаили и Иван Крстевски беа стрелци за Форца во вториот дел, а за гостинот двоен стрелец беше Давид Ристовски.
Денес Бутел ќе игра против Проект, а колото ќе се комплетира дури во вторник со мечот меѓу Црна Река и Шкупи.
