Лидерот во Втората женска фудбалска лига, Кочани, за пролетниот дел се засили со четири нови фудбалери, се работи за Џенита Кицара, Сара Јовевска и Ива Салтирова.
20-годишната Кицара во Кочани доаѓа од редовите на Вардар, тим кој е втор на табелата и со Билјанини Извори од Охрид ќе води борба за баражот за можен влез во Прва лига. Во својата кариера Кицара има настапувано и за Шкендија, Скопје и Борец од каде и ја започнува својата кариера.
Јовевска, која има 19 години пристигна од редовите на Борец, клубот од каде ја започна својата кариера, а сега го прави својот прв трансфер, со што во пролетниот дел ќе настапува за лидерот Кочани.
Салтирова во Кочани доаѓа од редовите на Каменица Саса, својата кариера 17-годишната фудбалерка ја започна во Тиверија Брера, а беше дел и од Цевитана од Прилеп.
Кочани е лидер на табелата со максимални 21 бод, со седум победи од седум натпревари во есенскиот дел, а тимот во пролетниот дел како прв фаворит ќе треба рутински да го потврди првото место и со тоа по неколку сезони да се врати во Првата женска фудаблска лига.
Кочани е предводен од Оливер Јовановски, а пролетната полусезона Кочани ја отвара на домашен терен против Билјанини Извори.
