Денес започнува завршницата од кошаркарскиот Куп на Македонија „Благоја Георгиевски Буштур“ во машка и женска конкуренција, а се игра во Спортската сала „26 Април“ во Гевгелија, во техничката организација на кошаркаркиот клуб Кожув од Гевгелија.
Во машка конкуренција од завршниот турнир кој се игра во формат „Фајнал-ејт“ ќе учестуваат ТФТ, Гостивар, Пелистер, Чаир, МЗТ Скопје, Работнички, Куманово и домаќинот Кожуф.
Двојките за четвртфиналето се Куманово со Кожуф, ТФТ Скопје со Гостивар, Пелистер ќе игра против Чаир, големо дерби на лути ривали МЗТ Скопје и Работнички. Овие натпревари се играат денес, а пак полуфиналните натпревари се играат утре, а финалето закажано за сабота.
„Фајнал-форот“ го сочинуваат Крива Паланка, Вардар, Баскет Кам и Бадел, а во полуфиналето Крива Паланка налета на Вардар, Баскет Кам против Бадел. Натпреварите кај дамите од полуфиналето се играат утре, а пак во сабота е финалето.
