Во сабота ракометарите на Радовиш на домашен терен ќе се соочи со Струга, во рамки на 18. коло од регуларниот дел на Суперлигата.
Радовишани ќе водат борба за опстанок, тоа е факт, ќе ја бараат и првата сезонска радост, но во клубот има позитивни промени. Како што вчера објавивме се вратија искусните Ивица Илиев и голманот Славјан Паунов, а според нашите информации ќе пристигнат и уште неколку капитални засилувања.
Работите се менуваат на позитивно, а капитенот Здравко Постолов го најавува мечот со Струга и ги повика радовишани на поддршка во сала.
„Во сабота започнуваме со првиот натпревар на домашен терен од оваа полусезона. Сите сме подготвени да го дадеме максимумот за да ја извојуваме првата победа на домашен терен. Пкана до радовишани да додјат и ни дадат поддршка во саботниот натпревар“, вели Постолов.
Натпреварот меѓу Радовиш и Струга се игра во СРЦ „25 Мај“ во сабота со почеток од 18 часот.
