Екипата на Партизан Југ од Брвеница со 5:4 забележа тешка победа против ССК Скопје на домашен терен во меч каде голманот и капитен Денис Бојоски беше одличен на натпреварот и со одлични интервенции обезбеди триумф за неговиот тим.
Секако големи заслуги за овој триумф има и искусниот Даниел Радески, кој постигна хет-трик, а по еден гол постигнаа Даниел Јандриески и Дејан Јанкулоски.
За гостинот стрелци беа Бојан Димковски, Марко Ѓорѓиевски и Спасе Здравевски, а пак Новица Костадиноски си постигна автогол.
Екипата на Овче Поле вчера забележа убедлива победа од 8:2 над ССЕ Университи, во меч на тотална доминација на ланскиот прволигаш.
Двојни стрелци за домашниот тим беа Лука Наумов и Никола Стојковиќ, а по еден гол постигнаа Уван Наунов, Михајло Стојановски, Саше Арсов и Ѓорѓи Султанов, додека пак за тимот од Тетово двоен стрелец беше Агон Хашими во финишот од мечот.
Утре, Кораби ја пречекува Победа од Прилеп, Кратово ќе игра со Конзули од Битола, но во Пробиштип, додека пак ланскиот прволигаш Карадкау ќе бара прва радост дома против Енхалон, Балкан на домашен терен против Каршиака.
