Екипата на Ударник од Пирава веќе две недели има интензивни подготовки за пролетниот дел од Трета лига – Исток, каде Ударник ќе сака подобри резултати и прогрес на третолигашката табела.
Во рамки на зимските подготовки за вториот дел тимот ќе одигра и неколку пријателски натпревари преку кои ќе ја проверува формата се до 9. март, за кога е закажан почетокот на пролетниот дел од Трета лига – Исток.
Веќе утре ќе биде одигран првиот контролен натпревар меѓу Ударник и второлигашот Вардарски од Богданци. Натпреварот ќе се одигра на стадионот „Ѓорге Џонов“ во Пирава, со почеток од 14 часот.
