Третолигашот Сатеска од Волино за пролетната полусезона во Трета лига – Југозапад се засили со тројца играчи како што дознава Спортска Мрежа.
Според нашите информации Сатеска се засилува со Дарко Цветаноски од екипата на Света Троица 2021, Мартин Нически кој доаѓа од второлигашот Охрид, како и со голманот Јанче Јанчески.
Цветаноски има 23-години, низ својата кариера покрај за охридскиот третолигаш Света Троица 2021 има настапувано и за Охрид, Караорман, Пелистер и Младост Царев Двор.
27-годишниот Нически доаѓа од второлигаш Охрид, а беше дел и од Воска Спорт, Караорман, Лакочереј, Октиси и Македонија ЃП.
29-годишниот Јанчески ќе биде нов чувар на голот на Сатеска, а има настапувано за Влазними од Струга, Македонија Враништа, Искра и Охрид.
Сатеска во понедленик ќе означи и старт на зимските подготовки, а во пролетниот дел ќе води борба со лидерот Преспа од Ресен и Кораб од Дебар за шампионската титула и обезбедувањето на баражот за можен влез во Втора лига.
