Шампионот МЗТ Скопје со триумф над Чаир, Работнички го декласираше Вардар, Пелистер доживеа пораз!

Овој викенд се одиграа натпреварите од 16. коло на Првата кошаркарска лига на Македонија. Тоа што го најавуваше Спортска Мрежа пред неколку дена и се случи, екипата на Шкупи која беше во победничка серија од две победи, ја забележа третата победа во низа, откако славеше над фаворитот ТФТ Скопје на домашен терен со што ТФТ го забележа два порази во низа.

Феникс и Тиквеш играа продолженија, а на крајот подобар беше домаќинот, кој триумфираше со 112:103.

Пелистер пак им се врати на поразите, откако по два порази славеше над Гостивар, сега одново пораз, овој пат од Кожув во Гевгелија и тоа со висок резултат од 91:73.

МКК Куманово на гостински терен прокнижи десетта сезонска победа, откако успеа да го совлада претпоследниот Гостивар, кој пак го забележа четвртиот пораз во низа за вкупно 11 порази во тековната сезона. Конечниот исход од средбата беше 54:62 во полза на тимот на МКК Куманово.

Шампионот МЗТ Скопје со 86:74 забележа победа против Чаир, кој во третата и четвртата четвртина се обиде да парира. Првата четвртина заврши со 26:14, а втората пак со 26:17. Во третата четвртина гостинот беше подобар со 20:21, а во последната четвртина Чаир се обиде да надокнади, но тоа беше доволно за ублажување на поразот, откако четвртината ја доби со 14:22.

Работнички не виде мака и забележа сосема очекувана победа над „фенеријата“ Вардар со 112:73, со што тимот на Вардар го впиша 16-тиот сезонски пораз и со тоа е единствен тим кој нема триумф во Првата кошаркарска лига на Македонија.

• ПОГЛЕДНЕТЕ ЈА ЦЕЛАТА ТАБЕЛА ОД ПРВАТА КОШАРКАРСКА ЛИГА НА МАКЕДОНИЈА: