Есенскиот шампион Силекс пристигна во Анталија, Турција, каде ќе ја одработи главната фаза од подготовките за пролетниот дел.
Тимот предводен од Александар Васоски веќе е на турско тло, каде го одработи и првиот тренинг, а во Анталија ќе бидат одиграни и пет пријателски натпревари преку кои ќе се подига формата.
Првата контролка на турско тло ќе биде против Нефтчи Фергана, закажана за утре, четири дена подоцна тестирање со Пахтакор, на 31. јануари против Ружомберок.
На 3. февруари тестирање со Аск Боитсберт, а пак на 4. февруари Силекс ќе одигра контролен натпревар против Железничар.
Силекс во пролетниот дел ќе води борба за освојување на шампионската титула, а вториот дел од сезоната го отвара дома против Тиквеш.
