Искусниот играч од средниот, Дарко Мицевски, претставен во Силекс како нов играч, со што фудбалерот со кратовскиот тим ќе се бори за титула во домашното првенство.
Вардар нема да смета на Мицевски во пролетниот дел и одлучи да го пушти на позајмица во Силекс. Мицевски е дете на Вардар, а во својата кариера ги носеше дресовите и на екипите Слобода Ужице, Работнички, Тетекс, ОФК Београд, Нови Пазар, Минск, Нејмех и РФС Рига.
Со своето домашно и интернационално искуство, Мицевски ќе биде силна алка во тимот на Силекс за титулата. Дополнително, Мицевски и тренерот на Силекс, Александар Васоски одлично се познаваат бидејќи заедно соработуваа во Вардар.
