Хрватската ракометна федерација со соопштение до македонските навивачи, да дојдат порано во сала, бидејќи ќе има детални проверки за сите посетители, кои ќе го гледаат натпреварот од 18 часот меѓу Македонија и Гвинеја.
Ваквите зголемени безбедности проверки доаѓаат откако Светската ракометна федерација го побара истото по настаните кои се случија на мечот меѓу Македонија и Холандија.
„Бараме ваша соработка, почитување на сите правила на однесување, за создавање позитивна навивачка атмосфера по која сме познати во целиот свет, со цел да се обезбеди непречено спроведување на натпреварот и безбедност на сите учесници“, се вели во сооштението од Хрватската ракометна федерација.
Ќе има детални проверки, ќе се врши проверка на ранци, чанти и слично.
„Хрватскиот ракометен сојуз ги известува сите посетители на „Вараждин Арена“ дека при влез во салата ќе биде извршена детална безбедносна проверка (ранци, чанти и сл.) и ги повикува сите кои доаѓаат на натпреварите да дојдат во „Вараждин Арена“ порано пред почетокот на натпреварот за да може непречено да се изврши контролата, со цел да се избегнат гужви, односно сите да пристигнат на време за да седнат во салата.“
Натпреварот ќе започне во 18 часот, а Македонија ќе биде голем фаворит против Гвинеја, со победата патуваме во следниот сегмент од Мундијалот.
