Прилепскиот второлигаш Победа ангажираше три нови засилувања за пролетниот дел од сезоната, пред прилепчани ќе бидат нови предизвици одново борба за опстанок, но сега директен и сигурен, а не како ланската сезона преку бараж.
Насаф Шабанов, Петар Петроски и Метин Ќерими се новите играчи на Победа.
Шабанов доаѓа од второлигашот Новаци, има 25 години, настапуваше и за Братство од Житоше, Локомотива од Градско, Плачковица, Вардар Неготино, Превалец и Беласица, а имаше авантури во Хрватска и Германија.
25-годишниот Петроски доаѓа од третолигашот Слога Виница, тој е повратник во Победа има настапувано за Големо Коњари, Локомотива Градско, Питу Гули, Вардар Неготино и Партизан Обршани.
Ќерими кој има 22 години доаѓа од Вардар Неготино, иако млад има настапувано за повеќе екипи како Шкендија Арачиново, БВК Коњаре, Братство Житоше, Воска Спорт, Братство Влазними и Скопје.
Победа презимува на 12. место со 14 бодови, шест повеќе од бараж зоната, а пролетниот дел го отвара против Брегалница на домашен терен.
