Албанскиот второлигаш Кораби за пролетниот дел од сезоната се засили со Рихан Зеќири и Ујкан Муча, каде албанскиот тим во пролетниот дел ќе води борба за опстанок во Втората лига.
26-годишниот Зеќири во албанскиот тим доаѓа од редовите на второлигашот Арсими, каде настапуваше изминатата полусезона во Втората македонска фудбалска лига.
Во својата кариера Зеќири има настапувано за Раховец од Косово, Тетекс, Сухарека од Косово, Воска Спорт, Беса, Пелистер, Кораби од Дебар, Велазерими, Зајази и Шкендија.
24-годишниот Муча доаѓа од тимот од германскиот тим Турк Спорт, а претходно беше дел од Кораби од Дебар, Воска Спорт, Гостивар, Охрид и Шкендија.
Кораби есенскито дел го заврши на 10. место на табелата со 16 бодови на своето конто, а пролетниот дел во Втората лига на Албанија започнува на 18. јануари, а Кораби стартува со дерби од дното против Валбона што ќе биде тест и за двете екипи за нивните амбиции за опстанок во Втората лига.
