Нашите најдобри ракометни судии Славе Николов и Ѓорѓи Начевски се во избор за најдобрите судии во светот за 2024 година. Четири парови се во трка за изборот за најдобра судиска двојка за изминатата година. Во изборот се најде двојката од Македонија, потоа Лан – Сок (Словенија), Хорачек – Новотни (Чешка) и Гарсија – Марин (Шпанија).
Веќе деветта година по ред „handball-planet.com“ го организира натпреварот за Светски ракометни судии кој е поддржан. Процесот на гласање се заснова на мислење на ракометните новинари од целиот свет (10 земји).
Николов и Начевски беа избрани за најдобри судии во светот во 2016 година, додека Словенците се актуелни победници за 2023 година.
Виолета Јанчева за Спортска Мрежа
