Иако на фејсбук страницата на Вардар која со години важи за официјална и каде се објавува информации за клубот, каде беше објавено дека фудбалерот на Тиквеш, Едиз Спахиу е нов играч на Вардар, денес стигна демант од управата на клубот која вели дека нема потпишано договор со Едиз Спахиу, за кого приоритет во моментот е трансфер во странство.
„АД ФК Вардар сака да ја демантира неточната вест пласирана низ спортски портали а преземена од неофицијални фејсбук фан страници. Имено, фудбалерот Едиз Спахиу сè уште нема потпишано договор со нашиот клуб, иако преговорите траат. Тој е во потрага по ангажман во странство. Клаузулите во неговите документи даваат простор да си најде трансфер заклучно со 20-ти јануари оваа година. Дали потоа ќе најде заеднички јазик со ФК Вардар, е работа за која фудбалската јавност навремено ќе биде информирана преку оваа веб страна, официјалното гласило на ФК Вардар АД, се наведува во соопштението објавено на fcvardar.com.
Покрај екипата на Тиквеш, Спахиу има настапувано и за екипата на Гостивар, како и за младиот тим на Шкендија, а има настапувано репрезентацијата на Македонија до 19 години и до 21 година.
