Симеон Христов, фудбалерот на есенскиот шампион Македонија ЃП, 2024 година ја заврши како најдобар стрелец во Втората лига, постигнувајќи 15 гола. Искуствениот напаѓач блескаше во есенската полусезона, доминирајќи на сите 15 натпревари. Тој пристигна во Македонија ЃП од Пелистер и веднаш стана клучен играч во тимот, кој се стреми кон шампионската титула и експресно враќање во Првата лига.
Меѓу најдобрите стрелци оваа есен се издвојуваат и Андреј Симевски од Каменица Саса и Никола Талески од Победа, кои постигнаа по 10 гола. Аљбин Рамадани од Арсими го следи со 9 гола.
Дарко Гроздановски (Кожуф), Хусеин Демири (Башкими) и Шефит Шефити (Арсими) постигнаа по 7 гола, додека Сашо Дуков (Охрид), Димче Јовов (Беласица) и Меметриза Хамза (Башкими) завршија со по 6 гола. Хамза, кој во зимскиот преоден рок ќе настапува за Струга Трим Лум, како и Шефити за Беса, нема да имаат можност да го зголемат својот голгетерски учинок.
Илија Баламов (Вардарски), Тони Мичковски (Каменица Саса), Иван Настески (Детонит Плачковица) и Кирил Неделков (Вардар Неготино) ја завршија полусезоната со по 5 гола. Настески, кој беше капитен на Детонит, во зимскиот преоден рок премина во редовите на Слога Виница.
Пролетниот дел од сезоната во Втората лига ќе започне на 15 февруари со натпреварите од 16. коло.
