Македонскиот репрезентативец Ељиф Елмас во 2025 година би можел да се пресели во нов клуб поради малата минутажа во германскиот РБ Лајпциг. Една од опциите, турскиот Фенербахче, веќе е исклучена.
Иако постоеше можност Елмас да се врати во Турција, тоа нема да се случи. Според турските медиуми, играчот преку својот агент го информирал раководството на Фенербахче дека нема интерес повторно да го облече нивниот дрес.
Елмас го носеше дресот на Фенербахче во периодот од 2017 до 2019 година. Сега, најверојатна опција за неговата иднина останува италијанската Фиорентина, која покажува голем интерес да го врати македонскиот „дијамантот“ во Серија А, како што пренесуваат дел од италијанските медиуми.
