Во последниот ден од 2024 година екипата на Арсими претстави две големи засилување за пролетната полусезона, тимот кој испиша историја пласирајќи се за првпат во четвртфиналето од Купот на Македонија каде ќе се судри со прволигашот Брера Струмица.
Стојан Стојчевски и Малиќ Белули денес беа претставени во „жолто-црниот“ дрес и во пролетниот дел ќе настапуваат за тимот на Арсими од Чегране.
Стојчевски доаѓа од редовите на третолигашот Еуромилк ГЛ, а во својата кариера 31-годишниот искусен дефанзивец настапуваше за Воска Спорт, Вардар, Силекс, Брера Струмица, Работнички, Брегалница, Македонија ЃП и Борец.
30-годишниот Белули во Арсими доаѓа од прволигаш Беса, а се очекува да биде важен столб во играта на Арсими во пролетниот дел. Тој има настапувано за Гостивар, Влазнија, Феризај, Генч Калембер и Скопје.
Арсими презимува на 4. место на табелата со 29 бодови и сака атак на местата за Прва лига, а пролетниот дел го отвара против Беласица во Струмица.
