Второлигашот Победа од Прилеп остана без голман, откако Антонио Столевски замина од клубот.
22-годишникот е дете на победа, а низ својата кариера настапуваше и за Брегалница, Велешта и Караорман.
„Доаѓа денот кога е најтешко, денот на разделба, нема доволно зборови што можам да ги кажам за мојата љубов кон Победа. Љубов е кога даваш без да очекуваш нешто за возврат, а јас се обидував да ја покажам мојата љубов на секој тренинг и секој натпревар. За некој фудбалот е само игра, а за мене е живот, за некој Победа е само клуб, а за мене сите овие години беше семејство. Благодарен сум за се што помининавме заедно и се надевам дека еден ден ќе биде онаму кај што заслужува. Иако сега заминувам длабоко во себе знам дека ова не збогум засекогаш. Верувам дека животот ќе ми подари можност еден ден повторно да се вратам таму каде што припаѓам – дома, во ФК Победа“, вели Столевски.
Победа презимува на 12. место со 14 бодови, а пролетниот дел го отвара против Брегалница на домашен терен.
